Adamdar vaktsınatsııanyń mańyzyn umyta bastady
ASTANA. QazAqparat - Búgin «Astana medıtsına ýnıversıteti» AQ jáne Astana qalalyq Sanıtarııalyq-epıdemıologııalyq qyzmet ortalyǵy birlesip «Han shatyr» oıyn-saýyq ortalyǵynda «Immýnızatsııa - ómir úshin» atty flesh-mob ótkizdi. Sharanyń maqsaty - halyqqa vaktsına egýdiń paıdasyn nasıhattaý. Oǵan Astana medıtsına ýnıversıtetiniń 60-qa jýyq stýdenti qatysty.
«Bul shara Eýropalyq ımmýnızatsııa aptalyǵy aıasynda uıymdastyrylyp otyr. Osyǵan uqsas sharalar Eýropa elderinde jyl saıyn ótip turady. Óıtkeni qazirgi kezde ekpe men vaktsına jasaýdan adamdardyń kóbi úzildi-kesildi bas tartýda. Sebebi uzaq ýaqyt boıy úzdiksiz júrgizilgen vaktsınatsııa jumystary juqpaly aýrýlardy boldyrmaı, adamdar olar týraly, olardyń adamzat balasyna tóndiretin qaýpi týraly umyta bastady. Sondyqtan biz búgingi shara arqyly elimizdiń turǵyndaryn ekpe men vatsınanyń qanshalyqty mańyzdy ekendigine taǵy da bir nazar aýdarýdy kózdedik», - deıdi «Vatsınatsııa» AQ ókili Saltanat Áýbákirova.
