«Adamdar uıyqtap qalady»: Rım Papasy uzaq ýaǵyz aıtpaýǵa shaqyrdy
ASTANA. KAZINFORM – Rım Papasy dinı qyzmetkerlerge ýaǵyzdaryn 8 mınýtpen shekteýge keńes berdi. Áıtpese, adamdar uzaq «dinı baıandamadan» sharshap, nazaryn basqa jaqqa aýdarýy múmkin.
The Guardian gazetiniń málimetinshe, Rım Papasy shirkeý qyzmetindegi habarlamanyń uzaq bolmaýyn eske salǵan. Qysqa aıtylǵan ýaǵyz adamdardy oı men sezimge jeteleýge tıis. Uzaq ýaǵyzdan qaljyraǵandardyń oıyna neshe túrli nárse túsetini aıtpasa da túsinikti.
«Adamdar uıyqtap jatyr jáne olardyki durys», - dedi 87 jastaǵy pontıfık.
Esterińizge salsaq, Kardınal Horhe Marıo Bergolo 2013 jyldyń naýryz aıynyń ortasynda katolıktik shirkeýdi basqarý úshin konklavtaǵy daýys berýdiń besinshi týrynda 266-shy Rım Papasy bolyp saılanǵan edi. Ol Frantsısk degen esimdi ıelendi. Burynǵy Rım Papasy Benedıkt XVI densaýlyǵyna baılanysty taqtan óz erkimen ketken bolatyn.
Aıta keteıik, buǵan deıin Rım Papasy Qazaqstanda sý tasqynynan zardap shekkender úshin duǵa etýge shaqyrǵan bolatyn.
