Adamdar ýaqyttyń 90 paıyzyn ǵımarat ishinde ótkizedi – Almaz Sharman

ALMATY. KAZINFORM –– Ýaqytty ózgertý – bul bizdiń ómirimizdi tabıǵı bıologııalyq yrǵaqqa úılestirý múmkindigi. Bul týraly QR profılaktıkalyq medıtsına akademııasynyń prezıdenti Almaz Sharman aıtty.

–– Qazir adamzat ýaqyttyń 90% -yn ǵımarat ishinde, jasandy jaryq astynda ótkizedi. Ýaqytty ózgertý – bul bizdiń ómirimizdi tabıǵı bıologııalyq yrǵaqqa úılestirý múmkindigi. Biz ashyq aýada, ásirese demalys kúnderi, otbasymyzben, balalarymyzben kóbirek ýaqyt ótkizip, tabıǵat sııaqty erte oıanýymyz kerek, –– dep atap ótti ol.

Sonymen qatar Almaz Sharman, AQSh-ta 1966 jyldan bastap jazǵy jáne qysqy ýaqyttarǵa kóshý tájirıbesi bar ekenin jetkizdi. Azamattardyń mezgildik beıimdelýine qaramastan, el qolaısyzdyqty joıý jáne ómir súrý sapasyn jaqsartý úshin bir ýaqytqa aýysýǵa tyrysady. 

–– Bıorıtmder – bul jeke nárse. Óz ómir salttarymen ómir súretin adamdar bolady. Biraq kópshiliktiń qajettilikterin qanaǵattandyrýǵa baǵyttalǵan múddelerge basymdyq berý kerek. Biryńǵaı ýaqyt – bul qoǵam ómirin jaqsartýǵa jasalǵan qadam, –– dedi sarapshy.

Ǵalym tabıǵı tsıkldarmen úılestirý densaýlyqty nyǵaıtýǵa ǵana emes, ómir sapasyn jaqsartýǵa da kómektesetinin atap ótti.

–– Bir ýaqyt kúndi qorshaǵan álemmen úılesimdilikti saqtaı otyryp, otbasy men demalysqa kóbirek ýaqyt bólý úshin uıymdastyrýǵa múmkindik beredi,–– dep esepteıdi Almaz Sharman.

Osyǵan deıin, Ǵylym jáne joǵary bilim mınıstrligi zertteý algorıtmin túsindirgen edi. 

Budan buryn habarlanǵandaı, bıyl qarasha aıynda Qazaqstanda biryńǵaı ýaqyt beldeýiniń adamdarǵa áseri zertteletini málim boldy. 

Ýaqyt beldeýin zertteýge shamamen 160 mln teńge jumsalmaq.