Adamdar túsinýi kerek: avtomektepti ashqan kezde, ol jaýapkershilikti óz moınyna alady

ASTANA. KAZINFORM – Avtomektep bıznes emes, bul – júrgizýshilerdi tolyqqandy daıarlaý. Bul týraly Іshki ister mınıstri Erjan Sádenov Ortalyq kommýnıkatsııalar qyzmetiniń podkastynda aıtty. Sonymen qatar eldiń bas polıtseıi jol qaýipsizdigi jaǵdaıyna qatysty túsinikteme berdi.

Jol qaýipsizdigin saqtaý úshin 25 myńnan astam beınebaqylaý kamerasy ornatylǵan. Jalpy respýblıka boıynsha olardyń sany 1,5 mln-nan asady.

– Olar kóshe, jol qaýipsizdigin baqylaýǵa arnalǵan. Endi ony odan ári de ulǵaıtatyn bolamyz. Tsıfrlandyrý júrgizilip jatyr, aýyldarǵa da jetti. Sol sebepten bul jumysty kúsheıtetin bolamyz, - dedi Erjan Sádenov.

Spıker avtomektepterge jeke toqtalyp, onyń túlekteri az ýaqytta jol-kólik oqıǵasyna ushyrasa, aýyr dene jaraqatyn alsa, ol úshin jaýapkershilik qarastyrylatynyn atap ótti.

– Ol adam avtomektep ashamyn, oqytamyn degende óziniń jaýapkershiligin túsinýi kerek. Avtomektepter – jaı ǵana bıznes emes, júrgizýshini daıyndaıtyn adam. Avtokólik – asa qaýipti kólik quraly, - dep atap ótti Erjan Sádenov.

Qaraǵandy avtomektepteriniń túlekteri derekter bazasyndaǵy aqaýǵa baılanysty emtıhan tapsyra almaı júrgenin jazǵan bolatynbyz.