Adamdar sýyqtan salmaq qosady
ASTANA. QazAqparat - Soltústik jartyshardyń turǵyndary sýyq klımattyń saldarynan artyq salmaq qosýdan zardap shegýde. Mundaı paıymdy brıtanııalyq ǵalymdar jasap otyr, dep habarlady The Daily Mail.
Semizdik eki ishek bakterııasy Bacteroidetes jáne Firmicutes-ten paıda bolady. Tolyq adamdarda bakterııanyń ekinshi túri birinshisine qaraǵanda kóbirek bolady. 23 eldiń myńnan astam turǵynyn zerttegennen keıin ǵalymdar ekvatordan shalǵaıda turatyndardyń Firmicutes bakterııalary árqashan kóp bolatynyn anyqtaǵan.
Zertteýshilerdiń pikirinshe, Soltústikte turatyn adamdardyń qorǵanys mehanızmi jumys isteı bastaıdy: adam denesi sýyqqa beıimdelgende óz massasyn arttyrady. «Biz sýyq aımaqtarda turatyn adamdarda semizdik ishek mıkrobtarynyń áserinen paıda bolatynyn anyqtadyq», - dep atap ótti zertteý avtorlarynyń biri Taıshı Sýzýkı.
