Adamdar óziniń súıikti isimen aınalasýy úshin Astanada barlyq jaǵdaılar jasalǵan - Tyvalyq bıshi
ASTANA. QazAqparat - Adamdar óziniń súıikti isimen aınalasýy úshin Astanada barlyq jaǵdaılar jasalǵan. Bul týraly QazAqparat agenttiginiń tilshisine bergen suhbatynda «Astana-Opera» opera jáne balet teatrynyń balet ártisi Aıdys Saaıa aıtty. Ol búginde elordaǵa Tyva Respýblıkasynan kelip, jumys istep jatyr.
«Men osymen ekinshi jyl Astanada jumys istep jatyrmyn. Ótken jyly konkýrsqa qatysýǵa kelip, odan sátti ótip kettim. Osydan keıin bul tamasha teatrda jumysymdy bastadym. Atap aıtqanda, maǵan osynda óte qatty unady jáne kelisimshartty ekinshi jylǵa uzarttym. Buryndary osyndaı keremet qala men ádemi úlken teatr bar ekenin bilmeppin. Alǵash kelgen kezde men ózimdi Eýropaǵa saparlaǵandaı sezindim. Qala óte ásem, qazirgi zamanǵy naqyshta salynǵan. Ásirese, bizdiń teatrmen tańdanýǵa bolady. Bul jerde adamdar óziniń súıikti isimen aınalysýy úshin barlyq jaǵdaılar jasalǵan», - deıdi Aıdys Saaıa.
Onyń sózine qaraǵanda, Astanada oǵan jergilikti turǵyndardyń qonaqjaılylyǵy qatty unaǵan.
«Meni osynda jyly qabyldady. Eń jaqsysy - qaladaǵy adamdar ózderin damytýǵa erekshe mán beredi jáne ony kúndelikti barlyq jerden baıqaýǵa bolady. Barsha Qazaqstannyń gúldene berýin tileımin, sondaı-aq osy eldegi tynyshtyq pen beıbitshilik árqashan da baıandy bolsyn!», - dep túıdi A. Saaıa.
