Adamdar ózderiniń azamattyq boryshyn oryndar bolsa, onda urlyqtyń ashylý paıyzy joǵary bolar edi - I.Merkel

ASTANA. 7 qazan. QazAqparat - Adamdar ózderiniń azamattyq boryshyn oryndar bolsa, onda urlyqtyń ashylý paıyzy joǵary bolar edi. «KTK» telearnasy «Halyq qyzmetshisi» baǵdarlamasynyń qonaǵy bolǵan QR Bas prokýrorynyń birinshi orynbasary Iogan Merkel osylaı dedi.

«Qylmys qurylymynyń 70 paıyzdan astamyn urlyq quraıdy. Shetelde de urlyq óte jaqsy ashylmaıdy. Paıyzy óte joǵary emes. Adamdar ózderiniń azamattyq boryshyn oryndar bolsa, onda ol birshama joǵary bolar edi. Kórgenderiniń bárin aıtyp berse, organdardyń jumystary da jeńildeıdi. óıtkeni organdar urlyq jasaǵan kezde olardyń qasynda bolmaıdy ǵoı. Kýágerlerdiń aıǵaǵymen muny dáleldemeıinshe, adamdy tutqyndaýǵa bolmaıdy», - dedi I.Merkel.