Adamdar óz densaýlyǵyna salǵyrt qaraıdy — onkolog
ASTANA. KAZINFORM — Qazaqstanda qaterli isikke shaldyqqan adamdardyń basym bóligi derti II nemese III-satyǵa ótip, ábden asqynǵan kezde ǵana biledi. Al dárigerler azamattardyń óz densaýlyǵyna salǵyrt qarap, ýaqytynda tekserilmeıtinin alǵa tartyp otyr.
— Sımptomdardyń paıda bolýy — qaterli isiktiń asqynyp, basqa satyǵa kóshkeniniń belgisi. Sebebi qaterli isik alǵashqy kezeńde eshqandaı belgi baıqatpaıdy. Sondyqtan erte dıagnostıka — ómirdi saqtap qalýdyń basty sharty. Elimizde bul úshin jaǵdaı jasalǵan, degenmen árbir azamat densaýlyǵy óz jaýapkershiligine baılanysty ekenin umytpaýy kerek, — deıdi Ulttyq ǵylymı onkologııa ortalyǵyna qarasty konsýltatıvti dıagnostıkalyq ortalyq meńgerýshisi Indıra Qusaıynova.
Qazaqstanda halyqtyń belgili bir bóligin jyl saıyn tegin skrınıngten ótkizý múmkindigi qarastyrylǵan. 40 jastan asqan adamdarǵa jylyna keminde bir ret medıtsınalyq tekserýden ótý usynylady. Áıelder úshin jatyr moıny obyryna (25 jastan bastap), sút bezi obyryna (40 jastan bastap) skrınıngter ótkiziledi. Er adamdar úshin qýyq asty bezi obyryna tekserilýge múmkindik bar. Sonymen qatar 50 jastan asqan azamattarǵa toq ishek obyryna skrınıng jasalady.
Buǵan deıin Qazaqstanda qaterli isiktiń ne sebepti kóbeıip jatqany týraly taldaý jazǵan edik.