Adamdar otyrǵan motorly qaıyq sýda aýdarylyp qaldy - Semeı
SEMEI. QazAqparat – Semeıde adamdar otyrǵan qaıyq sýda aýdarylyp ketti. Zardap shekkender joq, dep habarlaıdy QazAqparat ShQO Tótenshe jaǵdaılar jónindegi departamenttiń baspasóz qyzmetine silteme jasap.
Vedomstvonyń habarlaýynsha, 1 tamyzda jedel-qutqarý bólimshesiniń qyzmetkerlerine aýdarylǵan qaıyqtyń ishindegi adamdy qutqarýyn suraǵan jastar habarlasqan.
«Jigitter metaldan jasalǵan motorly qaıyqpen júzip júrip, odan sekirgen, bir sátte qaıyq aýdarylyp ketti. Eki adam júzip shyqqan, úshinshisi kórinbegen. Kelgen qutqarýshylar jas jigittiń qaıyq aýdarylyp ketken jerden 150 m qashyqtyqta jaǵaǵa shyqqanyn anyqtaǵan. Oǵan eshqandaı kómek qajet bolmaǵan. Jastar qutqarý jıletterin kıgendikten, qaıǵyly jaǵdaı tirkelmegen», - dep habarlady ShQO TJD-da.
Ekinshi oqıǵa Buqtyrma sý qoımasynda boldy. Qutqarýshylardan qaıyqpen ketip, uzaq ýaqyt boıy oralmaǵan er adamdy izdep, kómek suraǵan. Er adam aman-esen tabylǵan.
