Adamdar órt sóndirý qyzmetin ýaqytyly shaqyrmaıdy - QR TJM
ASTANA. 27 aqpan. QazAqparat - Búgingi Astanada ótken baspasóz máslıhatynda QR Tótenshe jaǵdaılar mınıstrligi Órtke qarsy qyzmet komıteti tóraǵasynyń orynbasary Vladımır Bekker
elordanyń Ortalyq bazarynda bolǵan órttiń negizgi sebepteriniń biri - órt sóndirý qyzmetiniń ýaqytynda shaqyrylmaýy ekendigin aıtty.
«Qaraǵandy qalasyndaǵy - «Elektronıka álemi» JShS, Atyraýdaǵy - «Hozıaıýshka», Shymkenttegi - «Bekjan» jáne Astana qalasyndaǵy Ortalyq bazarda bolǵan órt oqıǵalaryn zerdeleý barysynda onyń negizgi sebepteri anyqtaldy. Ol - qaýipsizdik jáne kúzet mamandarynyń órt sóndirý qyzmetin ýaqytynda shaqyrmaýy. Sonyń saldarynan tilsiz jaý órship, órtke oranǵan nysandardyń sany kóbeıdi. Negizi, atalǵan saýda oryndarynyń barlyǵynda da órt qaýipsizdigi avtomatıkasy bolǵan. Al kúzet táýlik boıy júrgizildi», - deıdi V.Bekker.
