Adamdar nege qorqady?
ASTANA. QazAqparat - Adamdar kóbinese neden qorqady dep oılaısyz? Jylan, qońyz, tyshqan, bıiktik, sý, ot. Bulardyń barlyǵy adamdar úshin qaterli faktorlar qataryn quraıdy, dep jazady massaget.kz.
Eger adamzattyń eń úzdik dızaıneri bol dese, barlyq kúsh-qýatyńyz ben zeıinińizdi adam úshin eń qaýipsiz joba jasaýǵa salaryńyz anyq. Alǵashqy adamzattyń mı qurylysyn qalaı jasar edińiz?
Olarǵa qorqý sezimin úıretý. Mine, bul - olardyń ómir súrýiniń birden-bir qupııasy. Qorqýdy úırený - adamdardyń ortamen úılesý úderisiniń basty kezeńi. Óıtkeni, qorqý psıhıkasy adamǵa qorǵan bolady.
Birde zertteý júrgizgen ǵalymdar eresekter jáne balalarmen uzaq ýaqyt birge bolyp, balalardyń kúndelikti turmysyn baqylaǵan. Nátıjesinde, balalar ózi qoryqqan qubylysy arqyly, qaýipten aman bolǵanyna kóz jetkizgen. ıAǵnı bıiktikten qorqqan bala, qulap qalý qaýpinen ada bolǵan.
Adamda qorqý sezimi týa bitti qalyptasady. Buryn kóptegen psıholog adamzat qorqýdy júre kele úırendi dedi. Shyntýaıtynda, úreı psıhıkasy adamda týa bitti paıda bolady. Bul - bizdiń tabıǵı qorǵaný qabiletimiz. Qulap kórmegen bala bıikten qorqpaı ma? Kerisinshe, olar burynnan bıiktikten qorqady, sondyqtan jyǵylyp kórmegen.
Siz "eger qorqý psıhıkasy týma qasıet bolsa, men nege bıiktikten esh qoryqpaımyn" dep suraýyńyz múmkin. Qorqý sezimi - lezdik effekt. ıAǵnı, siz belgili dárejedegi bıiktikten bir sát qorqyp ketýińiz múmkin. Alaıda úlken mıyńyz tolysyp, gormondary jetilip, qysym jınalyp, belgili dárejege barǵanda ǵana bul qorqý túri joǵalady.
