Adamdar kóp jınalatyn oryndardyń teraktten qorǵalýyn odan ári kúsheıtý sharalary talqylandy - UQK
ASTANA. QazAqparat - Astanada UQK tóraǵasy Nurtaı Ábiqaev Qazaqstan Respýblıkasy Terrorızmge qarsy ortalyǵynyń on tórtinshi otyrysyn ótkizdi, dep habarlady vedomstvo baspasóz qyzmeti.
Konsýltatıvtik-keńesshi organnyń jumysyna QR Prezıdentiniń kómekshisi - Qaýipsizdik Keńesiniń hatshysy N.B. Ermekbaev, Bas prokýror A.Q. Daýylbaev, mınıstrlikter men vedomstvolardyń basshylary qatysty.
Otyrysta adamdar kóp jınalatyn oryndardyń, sondaı-aq asa mańyzdy obektilerdiń terrorızmnen qorǵalýyn odan ári kúsheıtý sharalary talqylandy. Osy máseleler boıynsha qoldanystaǵy zańnamany jetildirý baǵyttary aıqyndaldy.
Terrorızmge qarsy ortalyqtyń 2015 jylǵy jumysynyń qorytyndysy shyǵaryldy. Terrorızmge qarsy is-qımyl sharalarynyń jalpymemlekettik júıesin odan ári jetildirý qadamdary belgilendi.
