Adamdar kóp shoǵyrlanatyn jerlerde jyljymaly egý pýnktteri ashylady - DSM
NUR-SULTAN. QazAqparat – Adamdar kóp shoǵyrlanatyn jerlerde jyljymaly egý pýnktteri ashylady. Bul týraly búgin Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.
«Óndirýshilermen júrgizilip jatqan kelissózderdi eskere otyryp, Qazaqstanǵa birinshi jartyjyldyqta vaktsınanyń 6 mln-nan astam dozasyn jetkizý josparlanǵan. Bul vaktsınatsııalaýǵa jatatyn kontıngenttiń 64 paıyzyn qamtýǵa múmkindik beredi. Atalǵan kólem KVI-ge qarsy vaktsınatsııalaýǵa jatatyn kontıngentti barynsha keńeıtýge jáne tegin ekpe alýǵa nıet bildirgen tulǵalarǵa qoljetimdilikti qamtamasyz etýge múmkindik beredi», - dedi mınıstr.
Onyń atap ótýinshe, ujymdarda jáne adamdar kóp jınalatyn oryndarda vaktsınatsııalaý júrgizýge jyljymaly egý pýnkteri jumyldyrylady.
«Osyǵan oraı oblystardyń, Almaty, Nur-Sultan jáne Shymkent qalalarynyń ákimderi halyqty KVI-ge qarsy vaktsınatsııalaýmen qamtýdy arttyrý úshin adamdar kóp jınalatyn jerlerde ýaqytta egý pýnkttterin/brıgadalardy uıymdastyrýy; kóshpeli egý brıgalaryn ekpe júrgizý úshin termokonteınerlermen jáne vaktsına saqtaýǵa arnalǵan tońazytqysh jabdyqtardyń jetkilikti sanymen qamtamasyz etýi qajet», - dedi Alekseı Tsoı.
