Adamdar keshirimdi, meıirimdi bolýy kerek - Nursultan Nazarbaev

NUR-SULTAN. QazAqparat –8 qańtar kúni «Habar» arnasynda QR Tuńǵysh Prezıdenti týraly «Shtrıhı k portretý» derekti fılminiń jalǵasy kórsetiledi. Bul týraly Elbasynyń baspasóz hatshysy Aıdos Úkibaı Twitter-paraqshasynda jazdy, dep habarlaıdy QazAqparat tilshisi

«Habar arnasynda 8 qańtarda saǵat 21.45-te «Shtrıhı k portretý» derekti fılminiń jalǵasy kórsetiledi. Fılmniń úshinshi serııasynda saıasatqa qatysty suraqtar az bolady. Kóbinese Elbasynyń jeke ómiri jáne buryn belgisiz bolyp kelgen dúnıeler aıtylady», - dep jazdy Aıdos Úkibaı.

«Adamdar keshirimdi, meıirimdi bolyp, bir-birine qol ushyn sozýy kerek», - deıdi Nursultan Nazarbaev derekti fılmniń vıdeo-anonsynda. Sondaı-aq Elbasy ómirden ótken jıeni týraly da aıtady.

Aıta ketsek, Nursultan Nazarbaevtyń baspasóz qyzmetiniń YouTube-paraqshasynda «Shtrıhı k portretý» derekti fılminiń 1-shi serııasy ótken aıda jarııalanǵan edi.