Adamdar bilim deńgeıi men jasyna qaramastan fıshıng qurbany bolyp ketedi
ASTANA. KAZINFORM — «Adam ózin neǵurlym aqyldy jáne bilimdi sanasa, soǵurlym alaıaqtardyń qurbany bolý yqtımaldyǵy joǵary, óıtkeni ondaı adamdarda saqtyq joq». Kıberqaýipsizdik jónindegi táýelsiz sarapshy Evgenıı Pıtolın Jibek Joly telearnasyndaǵy «Fokýs vnımanııa» baǵdarlamasynda osyndaı pikir bildirdi.
Mamannyń aıtýynsha, IQ deńgeıi tómen jáne joǵary adamdar da alaıaqtardyń qurbany bolyp jatady.
«Adam ózin neǵurlym aqyldy jáne bilimdirek sanasa, soǵurlym alaıaqtardyń qurbany bolý yqtımaldyǵy joǵary bolady, óıtkeni onyń mıy saqtyq úshin jabyq. Ol ózin basqalardan joǵary qoıady jáne onyń eshqashan basynan ótpeıtinine senedi. Alaıaqtardyń kózdeıtini de osyndaı adamdar», — dedi Evgenıı Pıtolın baǵdarlama barysynda.
Sondaı-aq, spıkerler ınternet-alaıaqtardyń qurbany bolmas úshin kerek negizgi keńesterdi aıtty.
- Kúdikti qońyrýǵa jaýap bermeńiz. Nómirdi taný úshin kóptegen qosymshalar bar.
Árqashan salqynqandylyq tanytyp, asyǵys sheshim qabyldamańyz.
Aqparatty eki ret tekserińiz. Habarlama týraly bilý úshin izdeý júıesin paıdalanyńyz, buryn osyndaı alaıaqtyqqa túsip qalǵandar bar-joǵyn anyqtańyz.
