Adamdar aınaladaǵy tolǵan agressııadan, teke-tiresten sharshady – Memleket basshysy
«Bılik memleketimizdiń damýyna, bolashaǵyna paıdasy tıetin kez kelgen oń ózgeristerge daıyn. Ulttyq keńes osyndaı jumysta mańyzdy ról atqarýy kerek. Ózderińiz kórip otyrsyzdar, bul jerde el men jer taǵdyryna qatysty asa mańyzdy, kúrdeli máseleler ashyq talqylanady. Keńeste kóterilgen túıtkildi máseleler qoǵamda da qyzý pikirtalasqa túsip jatyr», - dedi Qasym-Jomat Toqaev.
QR Prezıdentiniń paıymynsha, munyń bári halqymyzdyń saıası ári quqyqtyq mádenıetiniń artqanyn aıqyn kórsetedi.
«Biraq, másele tek saıasatta ǵana emes. Kóp nárse adamdar arasynda, otbasynda, ıaǵnı kúndelikti ómirde ustanatyn qarapaıym qundylyqtarǵa baılanysty. Shyndyǵyn aıtqanda, búginde adamdar aınaladaǵy tolǵan agressııadan, teke-tiresten sharshady. Sondyqtan jaqsylyqty molaıtýymyz kerek. Іzgi nıetti bolýdy úırenýimiz kerek. Meıirimdi, aqyldy, bekzat bolý ornyqty damý men rýhanı órleýdiń qozǵaýshy kúshi bolýy tıis. Osy arqyly biz ádil qoǵam men órkenıetti memleket qura alamyz. Maqsattarymyzǵa bir halyq bolyp, yntymaq pen kelisimniń arqasynda jetemiz dep senemin», - dedi Memleket basshysy.
