Adamdar ashýly jolbarystarǵa jem bolmaý úshin tórt kún boıy aǵash basynda otyrǵan
ASTANA. 8 maýsym. QazAqparat - Indonezııanyń Sýmatra aralynda bes er adam jolbarystarǵa jem bolmaý úshin birneshe kún aǵash basynda otyrǵan, dep habarlaıdy VVS.
Sársenbi kúni alty ındonezııalyq azamat taǵamǵa qoldaný úshin aǵash súresiniń sırek túrin ákelýge djýnglıge sapar shekken, dep habarlaıdy Ýtro. rý.
Ózderine azyq tabý maqsatynda qondyrǵan tuzaqqa jolbarystyń balasy kelip túsedi. Aýyr jaraqat alǵan jolbarystyń kúshigi tiri qalmady. Balasynyń kisi qolynan ólgenin kórgen eresek jolbarystar lezde azamattarǵa tap beredi. Ashýly jolbarystar bir adamdy talap tastaǵan. Al ózge adamdar qorǵaný úshin tal basyna shyǵyp úlgeredi.
Tiri qalǵan er adamdar uıaly baılanys arqyly jaqyn mańdaǵy aýyldyń turǵyndaryna habarlasady. Qutqarýǵa kelgender azýly jolbarystardyń áreketterine qarsylyq kórsete almaı, keri qaıtady.
Tek senbi kúni ǵana tal basynda otyrǵan er azamattardy qutqarýǵa 30 qutqarýshy barǵan. Jergilikti polıtsııa bastyǵy Dıkı Sondanıdiń aıtýynsha, azamattardy qutqarý barysynda eger jolbarystar osy mańaıdan ketpegen bolsa, mamandar olardy atyp óltirýi múmkin.
