Adam úshin eń qaýipti áleýmettik jeli anyqtaldy
ASTANA. QazAqparat - Ulybrıtanııa ǵalymdary áleýmettik jelilerdiń adamdarǵa aıtarlyqtaı zııan keltiretinin anyqtady. Zertteý jumysy #StatusOfMind jobasy aıasynda júrgizilgen, dep habarlaıdy The Time.
Aqpannan mamyr aıyna deıin 14-24 jas aralyǵyndaǵy 1500-den astam jastar áleýmettanýshylardyń áleýmettik jelilerdiń olarǵa qandaı da bir áser etetini týraly suraqtaryna jaýap berip, túrli jaǵdaılarǵa taldaý jasady.
Eń tanymal 5 áleýmettik jelige taldaý júrgizildi. Olardyń arasynda YouTube - adamnyń mentaldy densaýlyǵyna eshqandaı zııan keltirmeıtin platforma retinde baǵalandy.
Ekinshi orynda Twitter, odan keıin Facebook, tórtinshi oryndy Snapchat ıelendi. Al, eń sońǵy orynda - Instagram tur.
Saýalnama nátıjesi boıynsha, Instagram-nyń ashý týǵyzyp, depressııaǵa túsiretini, sondaı-aq kemsitý alańyna aınalyp bara jatqany anyqtaldy.
Budan bólek, brıtandyq ǵalymdar áleýmettik jelilerde kúnine eki saǵattan artyq ýaqyt ótkizbeýdi usynýda. Sebebi, adamdar ózderin basqalarmen salystyryp, óz-ózinen bas tartý sezimi uıalaıdy.
