Adam urlady degen kúdikti áıel Ázerbaıjannan Qazaqstanǵa ákelindi

ASTANA. QazAqparat - Búgin Bas prokýratýra jáne Astana ishki ister departamenti qyzmetkerleri qylmystyq jaýapqa tartý úshin Ázerbaıjannan kúdikti Irada Rýstamovany ekstradıtsııalady, dep habarlaıdy Bas prokýratýranyń baspasóz qyzmeti.

Áıel toppen aldyn ala sóz baılasý arqyly kúsh qoldaný jolymen múlkin bopsalap alý maqsatynda adam urlady degen kúdikke ilikken. Qylmys byltyr Astanada bolǵan.

Qylmystan keıin kúdikti izin sýytyp, qylmystyq izdestirý organdarynan jasyrynǵan. Osyǵan baılanysty, kúdiktige halyqaralyq izdeý jarııalandy.

Qazirgi kezde Rýstamova Astananyń tergeý oqshaýlaǵyshyna jiberildi.