Adam shyǵyny bar - Almatydaǵy apat
ALMATY. 27 maýsym. QazAqparat - Almatyda apat saldarynan 9 temir tulpar kúlge aınalyp, 40 adam qaýipsiz jerge shyǵaryldy, 6 adam órt baspaldaǵy arqyly qutqaryldy.
Janarmaı tasıtyn kóliktiń júrgizýshisi opat boldy.
Atalmysh málimetter búgin Almatyda janarmaı tasıtyn kólik jarylǵan, keıin órtke ulasqan jerde uıymdastyrylǵan shuǵyl baspasóz máslıhatynda jarııalandy.
Kólik «Gelıýs» kompanııasyna tıesili ekeni anyqtaldy. Onyń syıymdylyǵy - 8 tonna. Qazir júrgizýshiniń tulǵasy anyqtalý ústinde.
Basqa japa shekkender anyqtalmady, deıdi Almaty qalalyq TJD «Órt sóndirý qyzmeti jáne apattyq qutqarý jumystary» MM bastyǵy Aleksandr Lı.
Oryn alǵan oqys jaǵdaı týraly habar búgin tańǵy saǵat 10.00-da TJ -ǵa tústi. Oqıǵa ornyna alǵashqy órt sóndirý kóligi 10.07-de jetken. Jalpy tilsiz jaýdy aýyzdyqtaý jumystaryna 12 arnaıy tehnıka tartyldy.
Buǵan deıin habarlanǵandaı, janarmaı tasıtyn kóliktiń jarylýynan jaqyn mańdaǵy turǵyn úı otqa orandy. Saldarynan eki podezd zaqymdanǵan. Órtke úshinshi dáreje berilip otyr.
Al japa shekkenderge ótemaqy beriledi dep kútilýde.
