Adam Shıl «Barys» qaqpasyn qorǵaıtyn boldy

ASTANA. KAZINFORM - AQSh qaqpashysy Adam Shıl aldaǵy mansabyn «Barys» hokkeı klýbynda jalǵastyrady.

Kelisim bir maýsymǵa eseptelgen. Ol 2026 jyldyń 31 mamyryna deıin kúshinde bolady.
Amerıkalyq qaqpashynyń kásibı mansaby «Dallas Starz» júıesinde bastaldy. Ótken maýsymda Shıl Amerıka hokkeı lıgasynda «Kolorado Iglz» sapynda oıyn kórsetip, 14 matchta qaqpaǵa baǵyttalǵan soqqylardyń 90,4%-yn toıtardy.

Sondaı-aq ol Brıtandyq Kolýmbııa jaǵalaýy hokkeı lıgasynyń «ıÝta Grızzlıs» klýbynda 19 kezdesý ótkizdi.

Eske salsaq, budan buryn «Barys» hokkeı klýby kanadalyq qaqpashy Olıve Rodrıgpen kelisimshartty buzdy.

«Barys» hokkeı klýby kanadalyq qaqpashy Olıve Rodrıgpen bıyl birjaqty kelisimshart jasasty. Kelisim bir maýsymǵa eseptelip, 2026 jylǵy 31 mamyrǵa deıin kúshinde bolýy tıis edi.

Qaqpashy «Edmonton Oılerz» júıesinen keldi. Bul klýb ony 2018 jylǵy draftta tańdaǵan. Ótken maýsymda Olıve UHL-de alǵash ret muz aıdynyna shyǵyp, sondaı-aq AHL-daǵy «Beıkersfıld Kondors» sapynda 41 oıyn ótkizdi.