Adam saýdasynyń qurbanyna aınalyp, Halyqaralyq kóshi-qon uıymynan kómek alǵandardyń basym bóligi - áıelder
ALMATY. 8 naýryz. QazAqparat - Byltyr adam saýdasynyń qurbany bolyp, Halyqaralyq kóshi-qon uıymynan kómek alǵan 153 adamnyń 94-in áıelder qurady.
Atalmysh uıymnyń Ortalyq Azııadaǵy adam saýdasymen kúres jónindegi úılestirýshisi Eýrıdıs Markez Halyqaralyq áıelder kúnine oraı, Almatyda «Quldyq eńbekke uqsas májbúrleýge suranystyń tómendeýi» degen taqyryppen ótken Ortalyq Azııalyq aımaqtyq suhbat kezinde osylaı málim etti.
Onyń aıtýynsha, adam saýdasy boıynsha Halyqaralyq kóshi-qon uıymynan kómek alǵandardyń sany 2009 jyldan beri qaıta óse bastaǵan. Máselen, 2007 jyly 107-den 87-ge, 2008 jyly 64-ke deıin kemigen bolsa, al 2009 jyly - 97, 2010 jyly - 134, 2011 jyly - 141, 2012 jyly 153-ke jetken. Olardyń 2009 jyly - 77-sin, 2010 jyly 93-in, 2011 jyly 82-sin, 2012 jyly 94-in áıelder qurady.
