«Adam saýdasynyń qurbany» uǵymynyń quqyqtyq aıasy keńeıtiledi

ASTANA. QazAqparat – Іshki ister mınıstrligi «Adam saýdasyna qarsy kúres týraly» zań jobasy arqyly «adam saýdasynyń qurbany» uǵymynyń quqyqtyq aıasyn keńeıtýdi usynyp otyr, dep habarlaıdy QazAqparat tilshisi.

«Memleket basshysynyń tapsyrmasy boıynsha Іshki ister mınıstrligi «Adam saýdasyna qarsy kúres týraly» zań jobasyn ázirlep jatyr. Bul qujat deklaratıvti akt bolmaýy kerek. Ol qoldanystaǵy barlyq aqtańdaqtar» men «kóleńkeli aımaqtardy» joıýy kerek.

Zań jobasynda qylmystyq is qozǵalǵan, qozǵalmaǵanyna qaramastan, «adam saýdasynyń qurbany» uǵymyna zańdyq anyqtamasy qarastyrylmaq», - dedi QR Іshki ister mınıstri Marat Ahmetjanov Astanada ótip jatqan quqyqtyq forýmda.

Sondaı-aq, ol atalǵan uǵym adam saýdasyna tartylǵan azamattarǵa memleket tarapynan kórsetiletin kómek zań aıasynda regalmentteletinin túsindirdi.

«Osylaısha onyń ýaqytsha baspanausyný, birinshi kezekte qajetti zattarmen qamtamasyz etý, medıtsınalyq tekserý, úıine jetýine járdemdesý, psıhologııalyq keńes berý, kásiptik baǵdarlaý sııaqty keshendi áleýmettik kómek alýyna quqyqtyq negizder jasalady», - dedi mınıstr.

Foto: calcagnilaw.com