Adam saýdasyna tosqaýyl qoıý úshin arnaıy zań qabyldaý qajet – Prezıdent

ASTANA. QazAqparat – Memleket basshysy Qasym-Jomart Toqaev VIII saılanǵan QR Parlamentiniń birinshi sessııasynda adam saýdasy máselesin kóterdi, dep habarlaıdy QazAqparat tilshisi.

«Quqyq qorǵaý salasyndaǵy taǵy bir kúrdeli másele – adam saýdasy. Buǵan tosqaýyl qoıý úshin arnaıy zań qabyldaý qajet. Mundaı zań adam saýdasynyń qurbany bolǵan azamattardy qorǵaýdy jáne áleýmettik qoldaýdy qamtamasyz etedi. Bul kún saıyn artyp kele jatqan májbúrli kóshi-qonnyń jahandyq jáne aımaqtyq protsesteri jaǵdaıynda óte mańyzdy», - dedi Qasym-Jomart Toqaev.

Prezıdent bul zańnyń ulttyq múddelerimizdi eskere otyryp, eń jaqsy álemdik tájirıbeni sińirýi keregin atap ótti.

«Sondyqtan ony ázirleýge otandyq sarapshylar jáne zańgerlermen qatar halyqaralyq uıymdardyń ókilderin de tartý kerek», - dedi Prezıdent.