Adam saýdasyna óz erkimen kelisetinder bar – Elvıra Ázimova
«Bul zań boıynsha naqty sheshim qabyldandy. Sáýirdiń aıaǵynda «Adam quqyqtary jáne zań ústemdigi týraly» jobany Úkimet qarady. Oń sheshim qabyldandy. Halyqaralyq tájirıbege qarasaq, kóptegen memleket osyndaı zańdy qabyldady. Bul adam quqyqtaryn qorǵaý ǵana emes, profılaktıka jáne áleýmettik problemalarǵa baılanysty, adam satý jaǵdaıy buzýshylyqtary jasalǵanda qylmystyq jaýapqa tartý ǵana emes – osyndaı jaǵdaıǵa túsken adamdarǵa kómek kórsetý», - dedi E. Ázimova Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, Qazaqstanda adam saýdasy qylmys retinde zańnamalyq turǵyda qarastyrylady, bas bostandyǵynan aıyrýǵa deıin tıisti qylmystyq jaýapkershilik bekitilgen. Qylmystyq kodekste kámeletke tolmaǵandardy «satyp alý jáne satý» qylmysy bólek quramda jazylǵan.
«Mundaı faktiler Qazaqstanda bar. Biz muny qoǵamǵa qaýipti qubylys retinde aıtamyz. Óıtkeni is júzinde bul qylmys adamnyń birqatar quqyqtaryna nuqsan keltiredi. Ókinishke oraı, biz adam saýdasy týraly aıtqanda mundaı faktiler jappaı sıpatqa ıe bolmaıdy, tipti adamdar mundaı jaǵdaıǵa erkinen tys qana emes, óz kelisimimen de barady. Kóbinese olar jumys tabý qıyndaǵandyqtan kúmándi, kúdikti eńbek jaǵdaılaryna kelisedi, zańbuzýshylyqqa ózderi barady. Munda polıtsııa qansha jerden tıimdi jumys istegenimen, másele ashyq kúıinde qalady. Atap aıtqanda, jumyspen qamtý, áleýmettik qorǵaý máseleleri jáne tájirıbe kórsetkendeı, adamdar bul jaǵdaıǵa birneshe ret barady, ıaǵnı qylmys uzaqqa sozylady. Sondyqtan basqa memlekettik organdar men uıymdardyń aldyn alý, eskertý, taldaý jumystary óte mańyzdy. Bul tek anyqtaýǵa jáne jazalaýǵa baǵyttalǵan jumys emes, eldiń áleýmettik saıasatymen baılanysty tájirıbe, sondyqtan biz osy zańnyń qabyldanýyn qoldaımyz», - dedi E. Ázimova.
Onyń aıtýynsha, kelesi jyldyń birinshi jartysynda zań jobasy Úkimetke usynylyp, keıin ony talqylaýǵa depýtattar da qosylýy kerek.
Buǵan deıin QR Іshki ister mınıstrligi Uıymdasqan qylmysqa qarsy kúres departamenti basshysynyń mindetin atqarýshy Qanat Nurmaǵambetov adam saýdasyna qatysty qandaı qylmystar anyqtalyp jatqanyn aıtty.
