Adam saýdasyna baılanysty aqparattardy 11616 nómirine kez-kelgen telefonnan habarlaýǵa bolady
ASTANA. Tamyzdyń 23-i. QazAqparat /Aıdar Ospanalıev/ - Búgin Astanada ótip jatqan Halyqaralyq adam saýdasynyń qurbandary kúnine arnalǵan baspasóz máslıhatynda «Daǵdarys ortalyqtary odaǵy» zańdy tulǵalar birlestiginiń Basqarma tóraıymy Zúlfııa Baısaqova adam saýdasyna baılanysty aqparattardy 11616 telefona arqyly quzyrly organdarǵa habarlasýǵa bolatyndyǵyn atap kórsetti.
Onyń sózine qaraǵanda, atalmysh nómirge kez-kelgen statsıonarlyq nemese uıaly telefonnan habarlasýǵa bolady. Sonymen qatar taǵy jedel baılanys júıesi boıynsha 8 8000 8000 15 nómirine de tegin aqparat berýge bolady. «Atalmysh telefon nómirleri táýlik boıy jumys isteıdi. Oǵan telefon shalý arqyly adam saýdasyna qatysty málimetter berip, nemese kerisinshe adam saýdasymen baılanysty áreketterden qalaısha saqtanyp júrýge bolatyndyǵy jóninde qundy aqparattar alýǵa bolady», dedi Z.Baısaqova.
