Adam saýdasy úshin qoldanylatyn eń aýyr jaza qandaı
«Ókinishke qaraı, adam saýdasy bizdiń elimizde de anyqtalýda. Sondyqtan Іshki ister mınıstrligi bul qylmys túrine asa kóńil bólip otyr. Kúres tıimdi bolý úshin zańnamalyq turǵy da, praktıkalyq turǵyda da naqty sharalar qabyldanǵan. Mundaı sanattaǵy qylmys jasaǵany úshin Qylmystyq kodekste múlkinen aıyra otyryp, 18 jylǵa bas bostandyǵynan aıryrý sııaqty eń joǵary jazaǵa deıin qarastyrylǵan», - dedi ol Іshki ister mınıstrliginiń onlaın baspasóz alańynda.
Departament ókiliniń sózinshe, bul normaǵa sońǵy ózgeris byltyr qańtarda engizilipti.
«Adam organdaryn, kámeletke tolmaǵandardy satqany jáne olardy jezókshelikpen aınalysýǵa tartqany úshin qoldanylatyn jazalar qatańdatyldy. Úkimet janynda vedomstoraralyq komıssııa jumys isteıdi. Onyń aıasynda memlekettik jáne jergilikti atqarý organdaryna usynymdar beriledi. Іshki ister organdarynyń qúrylymynda, ıaǵnı mınıstrlik ózinde de, onyń aýmaqtyq bólimshelerinde de adam saýdasymen kúres jónindegi bólimsheler jumys isteıdi», - dedi Qanat Nurmaǵambetov.
