Adam saýdasy qazir kúlli álemdi tolǵandyryp otyrǵan másele - A.Dinmuhamed
ALMATY. 4 naýryz. QazAqparat /Ádilet Musahaev/ - Halyqaralyq sarapshylardyń paıymdaýynsha, adam saýdasy esirtki men qarý saýdasynan keıingi orynda tur.
Bul jaıynda búgin Almaty qalasy Ádilet departamenti bastyǵynyń orynbasary Adaıbaı Dinmuhamed Ámbebap kezeńdik sholýdyń QR 2009-2012 jyldarǵa arnalǵan adam quqyǵy salasyndaǵy Ulttyq is-qımyl josparynyń oryndalýyn talqylaýǵa arnalǵan dóńgelek ústelde aıtty.
Onyń aıtýynsha, adam saýdasy qazirgi tańda kúlli álemdi tolǵandyryp otyrǵan másele. «Qazaqstan Ádilet mınıstrligi álemdik aýqymdaǵy adam saýdasy máselesi kúresinen ulttyq deńgeıde úlestirýshi bolyp tabylady. Zańdarǵa sáıkes ázirlenetin jáne qabyldanatyn saıasat, baǵdarlamalar men basqa da qabyldanatyn sharalar tıisti uıymdar men azamattyq qoǵamnyń basqa da áleýetterin qamtıdy», -deıdi A.Dinmuhamed.
A.Dinmuhamed adamdardy satý, ony quldyqqa salý men kúres búgingi quqyq qorǵaý oryndarynyń basty qyzmeti ekendigin jáne mundaı áreketpen árbir azamat belsene kúresip, quqyq qorǵaý organdaryna kómekshi bola bilýi tıistiligin jetkizdi.
Ámbebap kezeńdik sholý - adam quqyǵy jónindegi BUU múshe memleketteriniń adam quqyǵy salasyndaǵy saıasatyn tórt jylda bir ret qaraýdy boljamdaıtyn tetigi. QR 2009-2012 jyldarǵa arnalǵan adam quqyǵy salasyndaǵy Ulttyq is-qımyl jospary zańnama men quqyq qoldaný tájirıbesin, adam quqyǵyn qorǵaýdyń ulttyq júıesin jetildirý jónindegi naqty qadamdardy kózdeıtin birikken baǵdarlama bolyp tabylady.
QR Ádilet mınıstrligi, Qazaqstandaǵy BUU Damý baǵdarlamasymen birigip jáne Qazaqstandaǵy Nıderland Elshiligi, QR Syrtqy ister mınıstrligi, BUU Adam quqyqtary jónindegi Joǵarǵy Komıssary qoldaýymen ótip otyr.
