«Adam saýdasy qansha paıda ákeledi?» - respýblıkalyq basylymdarǵa sholý
***
Keshe Aqordada Memleket basshysy Nursultan Nazarbaev jańadan taǵaıyndalǵan Qazaqstan Respýblıkasyndaǵy elshilerden senim gramotalaryn qabyldady. Prezıdentke Avstrııa Respýblıkasynyń Tótenshe jáne ókiletti elshisi Volfgang Banıaı, Rýmynııanyń Tótenshe jáne ókiletti elshisi Nıkolae Ýreke, Vetnam Sotsıalıstik Respýblıkasynyń Tótenshe jáne ókiletti elshisi Ngýen Van Hoa, Grýzııa Respýblıkasynyń Tótenshe jáne ókiletti elshisi Davıd Mýmladze, Ispanııa Koroldiginiń Tótenshe jáne ókiletti elshisi Manýel Larrotcha Parada, Nıderlandy Koroldiginiń Tótenshe jáne ókiletti elshisi Peıter Van Leýven, Túrik Respýblıkasynyń Tótenshe jáne ókiletti elshisi Omer Býrhan Týzel senim gramotalaryn tapsyrdy. Memleket basshysy rásim kezinde sóılegen sózinde elshilerdi Qazaqstan Respýblıkasyndaǵy dıplomatııalyq mıssııalarynyń bastalýymen quttyqtady. «Sizderdiń qyzmetterińiz senim men ózara túsinistikti nyǵaıtýǵa, eki jaqty yntymaqtastyqtyń áleýetin barynsha ashýǵa baǵyttalady dep senemin. Qazaqstannyń syrtqy saıasaty úshin bıylǵy jyldyń mańyzdy máni bar. Bıyl biz Qazaqstannyń sizderdiń elderińizben dıplomatııalyq qatynastar ornatqanyna 20 jyl tolýyn atap ótemiz. Osy ýaqyt ishinde bizdiń elderimizde keń aýqymdy ózgerister bolyp ótti. Ol ekijaqty qarymqatynastardyń damýyna oń yqpal etti», - dedi Nursultan Nazarbaev. Bul týraly «Egemen Qazaqstan» gazetiniń búgingi sanynda jaryq kórgen «Senim gramotalaryn qabyldady» atty maqalada jazylǵan.
Atalmysh basylym keshe Parlament Senatynyń Tóraǵasy Qaırat Mámı Qazaqstanǵa alǵash ret resmı saparmen kelgen Reseı Federatsııasy Federaldyq Jınalysy Federatsııa Keńesiniń Tóraıymy Valentına Matvıenkomen kezdeskeni týraly da jazady. Kezdesý aldymen shaǵyn quramda bolyp, odan ári eki jaqtyń delegatsııa músheleri qatysqan keńeıtilgen quramda jalǵasty. Kezdesýden keıin baspasóz ókilderimen bolǵan brıfıngte Qaırat Mámı eki eldiń arasyndaǵy parlamentaralyq yntymaqtastyq jáne ony odan ári damytý máseleleri sóz bolǵanyn aıtty. Sonymen birge, Tóraǵa Qazaqstan men Reseıdiń strategııalyq áriptestigin ilgeriletýdegi mańyzdy qural bolyp tabylatyn ekijaqty qatynastar men parlamentaralyq baılanystardy odan ári nyǵaıtýda osy sapardyń mańyzdylyǵyn atap ótti. Bul maqala «Parlamentter qyzmetindegi jańa kezeń» atty taqyryppen berilgen.
***
«Alash aınasy» gazetiniń bul nómirindegi maqala kompıýterlik júıeniń damýynyń adamzatqa áseri jaıyndaǵy máselege arnalady. «Qazaqtyń dala fılosofııasy «Zamanyna qaraı adamy» deıdi. Sheteldiń bir bilgishi «Árbir kezeńniń óziniń qııalı-shalysy bar» depti. Ras eken. Búginde ǵalymdar Allanyń asa súıikti jaratylysy - adamnyń júıke júıesinde ǵylymı-tehnıkalyq damýdyń saldarynan paıda bolatyn psıhopatologııalyq jaǵdaılarmen betpe-bet kelip otyr. Bizde qaıdam, al sheteldiń psıhıatrııasyndaǵy mamandar ǵylymı-tehnıkalyq damýdyń áserinen júıkesine salmaq túsken naýqastardyń artyp kele jatqanyn aıtýmen keledi. Adamdy mundaı kúıge dýshar etýshiniń aldyńǵy qatarynda vırtýaldyq táýeldilik bar eken. ıAǵnı jansyz bolsa da, etene egizińizge aınalyp ketken kompıýter»,-dep jazady basylym. Osy jaıynda basylym tilshisiniń «Álemdi sharpyǵan kompıýter derti júıkeni jep barady» degen maqalasynan oqı alasyzdar.
Osy basylymnyń oı kókpar aıdary da bas maqalany tolyqtyryp tur. «Reseıdegideı balalardy zııandy aqparattardan qorǵaý týraly zań kerek pe?» degen taqyrypty jazýshy Sovethan Ǵabbas pen professor, akademık Aman Qulbaev taldaıdy.
***
«Aıqyn» gazetiniń jazýynsha, mıgratsııa jónindegi halyqaralyq uıym byltyrǵy jyldyń basynan bıylǵy tamyzǵa deıingi aralyqta ortalyqazııa aımaǵynda 248 adam satý faktisin tirkegen, onyń 126-sy Qazaqstanda eriksiz jumys isteýge májbúrlengender. Quldyqqa túskenderdiń jastary 18-25 aralyǵynda. Quqyq qorǵaý organdarynyń sanaǵy boıynsha jyl basynan beri respýblıkada 107 adam quldyqqa satylýdyń qurbany bolǵan. Osy jaıynda basylymnyń búgingi sanyndaǵy «Adam saýdasy qansha paıda ákeledi» atty materıalda tolyq jazylǵan.
