Adam saýdasyna qatysty 40 qylmys anyqtaldy — QR ІІM
ASTANA. KAZINFORM – «STOP-trafık» operatsııasy barysynda adam saýdasyna qatysty 40 qylmys anyqtaldy. Bul týraly Polisia.kz jazdy.
— Іs-sharanyń úsh kúninde polıtseıler adam saýdasymen, adamdardy, onyń ishinde kámeletke tolmaǵandardy jezókshelikpen aınalysýǵa tartýmen, prıtondar ustaýmen jáne jeńgetaılyqpen baılanysty 40 qylmysty anyqtady. Sondaı-aq jezókshelikpen aınalysýǵa arnalǵan úı-jaılar usyný boıynsha 156 jáne qoǵamdyq oryndarda adamdardy mazalaý boıynsha 640 ákimshilik quqyq buzýshylyq tirkeldi, — delingen habarlamada.
Sonymen qatar túrli zaýyttardyń, bazarlardyń jáne qurylys nysandarynyń aýmaǵynda reıdtik is-sharalar júrgizildi.
Mysaly, Jambyl oblysynda zaýyttardyń biriniń aýmaǵynda kóshi-qon zańnamasyn buza otyryp (eńbek sharttary, vızalar (S-3 nysany) jáne Qazaqstanǵa kelgeni týraly habarlamalar bolmaǵan), eńbek qyzmetin júzege asyrǵan sheteldik azamattar anyqtalyp, polıtsııaǵa jetkizildi.
Osyǵan uqsas derek Soltústik Qazaqstan oblysynda anyqtaldy, onda qurylys obektilerdiń biriniń aýmaǵynda kóshi-qon zańnamasyn buzǵan 14 sheteldik azamat eńbek qyzmetin júzege asyrǵan. Quqyq buzýshylarǵa qatysty ÁQBtK-niń 517-baby 5-bóligi boıynsha (sheteldiktiń nemese azamattyǵy joq adamnyń QR halyqtyń kóshi-qony salasyndaǵy zańnamasyn buzýy) jáne ÁQBtK-niń 492-baby 4-bóligi boıynsha (QR-da tirkeýsiz nemese jeke basyn kýálandyratyn qujattarsyz turý) ákimshilik hattamalar túzilip, sotqa joldandy.
Shymkent qalasy polıtsııa departamenti uıymdasqan qylmysqa qarsy kúres basqarmasynyń qyzmetkerlerimen tórt adamnan turatyn top ustaldy. Olar uzaq ýaqyt boıy 18 ben 23 jas aralyǵyndaǵy qala turǵyndaryn jaldamaly páterlerde jezókshelikpen aınalysýǵa tartty. Kúdiktiler jábirlenýshilerdi ıntımdik fotosýrettermen bopsalap otyrǵan. Kórsetilgen faktiler boıynsha QK-niń 308-baby 2-bóligi (jezókshelikpen aınalysýǵa tartý) jáne QK-niń 309-baby 2-bóligine (Jeńgetaılyq) sáıkes eki qylmystyq is tirkeldi. Kúdiktiler ýaqytsha ustaý ızolıatoryna qamaldy.
Sondaı-aq Almaty qalasynda polıtsııa qyzmetkerlerimen «bodı-massaj» salondaryn uıymdastyrǵan jeti azamatsha ustalyp, ýaqytsha ustaý ızolıatoryna qamaldy. Sotqa deıingi tergeý jeńgetaılyq faktileri boıynsha júrgizilip jatyr.
Túrkistan oblysynda oblys prokýratýrasynyń úılestirýimen Qyzylorda oblysynyń 2007 j. t. jáne 2006 j. t. eki turǵyny ustaldy. Olar Telegram áleýmettik jelisiniń jabyq toptarynda kámeletke tolmaǵandardyń qatysýymen pornografııalyq beınejazbalardy satýmen aınalysqan. Bul fakt QK-niń 312-baby 1-bóligi boıynsha SDTBT-ne tirkelgen (kámeletke tolmaǵandardyń pornografııalyq beıneleri bar materıaldardyń nemese zattardy daıyndaý jáne aınalymy ne olardy pornografııalyq sıpattaǵy oıyn-saýyq is-sharalaryna qatysý úshin tartý). Uıymdastyrýshy ýaqytsha ustaý ızolıatoryna qamaldy.
Abaı oblysynda uıymdasqan qylmysqa qarsy kúres basqarmasynyń qyzmetkerlerimen ótken jyldyń jeltoqsan aıynda oblystyń eki turǵynyn sharýa qojalyqtarynda paıdalaný úshin satqan Aıagóz qalasynyń turǵyny anyqtaldy. Osy fakt boıynsha QK-niń 128-baby 1-bóligimen (adam saýdasy) sotqa deıingi tergeý bastalyp, qylmystyq ister qozǵaldy.
Qaraǵandy oblysy PD uıymdasqan qylmysqa qarsy kúres basqarmasynyń qyzmetkerlerimen 60 jastaǵy er adam ustaldy. Ol aqshalaı syıaqy úshin jas qyzdardyń analarymen olarǵa qatysty jynystyq sıpattaǵy azǵyndyq áreketterdi odan ári jasaý jáne balalar pornografııasyn jazý maqsatynda kelisimder jasaǵan. Barlyq kúdiktiler ýaqytsha ustaý ızolıatoryna qamaldy. QK-niń 121-baby 4-bóligi boıynsha (kámeletke tolmaǵandarǵa qatysty seksýaldyq sıpattaǵy zorlyq-zombylyq áreketteri) jáne QK-niń 135-baby (kámeletke tolmaǵandar saýdasy) boıynsha sotqa deıingi tergep-tekserý bastaldy. Sondaı-aq qazirgi ýaqytta óńirlerde adam saýdasy máselesi týraly taqyryptyq materıaldardy ornalastyrý jáne taratý boıynsha aqparattyq jumys jalǵasyp otyr.
Májbúrli eńbek faktilerin anyqtaý úshin ІІM Bas prokýratýramen, Eńbek jáne halyqty áleýmettik qorǵaý mınıstrligimen jáne oblys ákimdikterimen birlesip, adam saýdasynyń aldyn alý jáne aýyldyq jerlerde eńbekke paıdalaný qurbandaryn anyqtaý úshin mobıldi toptar qurylǵan. Olar halyq arasynda túsindirý jumystaryn júrgizedi jáne sharýa qojalyqtarynda, jaıylymdarda, shalǵaıdaǵy oryndarda jáne t. b. májbúrli eńbek faktileri týraly habarlarǵa dereý den qoıady.
Eske sala keteıik, buǵan deıin Almatyda 12 jasar qyzdy arbaýyna túsirmek bolǵan er adam ustalǵanyn jazǵan bolatynbyz.