Adam saýdasy: Qazaqstandyqtardy shetelge aldap tartýdyń keń taralǵan tásili ataldy
ASTANA. KAZINFORM – Qazaqstandyqtar áleýmettik jelidegi jalaqysy joǵary sheteldegi jumys týraly jarnamaǵa jıi aldanady. Bul týraly Syrtqy ister mınıstrligi Kazinform agenttiginiń resmı saýalyna bergen jaýabynda málimdedi.
Mınıstrliktiń málimetinshe, kómek suraǵandardyń basym bóligi Mıanma, Laos jáne Kambodjanyń jekelegen óńirlerine erkinen tys eńbekke jegilgen.
– Mundaı shemalarda Taıland, al keı jaǵdaıda Vetnam tranzıttik memleket retinde paıdalanylady, - delingen habarlamada.
Osyǵan baılanysty SІM azamattarǵa shetelde jumysqa ornalasý týraly usynystardy muqııat tekserýge, tek senimdi jumys berýshiler men deldaldardyń qyzmetine júginýge, jeke qujattaryn bógde adamdarǵa bermeýge jáne shetelge shyǵar aldynda qaýipsizdik talaptaryn qatań saqtaýǵa keńes berdi.
Aıta keteıik, bıyl jyl basynan beri Mıanma, Kambodja jáne Laosta quldyqta bolǵan elimizdiń 17 azamaty qaıtaryldy.
