Adam saýdasy: bıyl Mıanma, Kambodja jáne Laostan 17 qazaqstandyq elge qaıtaryldy
ASTANA. KAZINFORM — Bıyl jyl basynan beri Mıanma, Kambodja jáne Laosta quldyqta bolǵan elimizdiń 17 azamaty qaıtaryldy. Bul týraly Syrtqy ister mınıstrligi Kazinform agenttiginiń resmı saýalyna bergen jaýabynda málim etti.
Mınıstrliktiń málimetinshe, olardyń aman-esen elge oralýyna dıplomattar járdemdesken.
— 2026 jylǵy 20 mamyrdaǵy jaǵdaı boıynsha Taılandtaǵy Qazaqstan Elshiliginiń kómegimen Mıanmadan 5 azamat elge oralǵan. Sonymen qatar Qazaqstannyń Vetnamdaǵy Elshiliginiń qatysýymen Kambodjadan 8 jáne Laostan 4 qazaqstandyq qaıtarylǵan, — delingen habarlamada.
Vedomstvonyń málimetinshe, 2022 jyldan beri sheteldegi qazaqstandyq dıplomattardyń kómegimen zańsyz ustap turý jáne eńbek qanaýy jaǵdaıyna tap bolǵan jalpy 66 Qazaqstan azamaty elge qaıtarylǵan.
Eske salaıyq, buǵan deıin keıingi jyldary Mıanmanyń ózinen 49 azamat elge qaıtarylǵany jarııalanǵan edi.
