Adam sany beseýden asatyn úlken otbasylar arasynda kedeılik deńgeıi eki ese joǵary

ASTANA. QazAqparat - Ulttyq statbıýro taratqan málimetke qraǵanda tabysy eń tómengi kúnkóris deńgeıinen tómen halyqtyń úlesi (kedeılik deńgeıi) bıylǵy III toqsanda 5,3% quraǵan, dep habarlaıdy QazAqparat.

Kedeılik qaýpine úı sharýashylyqtarynyń kólemi qatty áser etedi.

Osylaısha, 5 jáne odan da kóp adamnan turatyn úı sharýashylyqtary arasyndaǵy kedeılik deńgeıi bıylǵy III toqsannyń qorytyndysy boıynsha 9,3% qurady, bul - jalpy kedeılik deńgeıinen 2 esege jýyq artyq.

Aıta keteıik, kedeılik deńgeıi - tutynýǵa paıdalanylǵan eń tómengi kúnkóris deńgeıiniń shamasynan tómen tabysy bar halyq sanynyń halyqtyń jalpy sanyna paıyzben ólshengen qatynasy.

Qazaqstan boıynsha 2022 jylǵy III toqsanda aıyna orta eseppen jan basyna shaqqandaǵy eń tómengi kúnkóris deńgeıiniń shamasy 46 671 teńgeni qurady.