Adam papıllomasy vırýsyna qarsy vaktsına josparly ekpeler qataryna engizilmek

ASTANA. QazAqparat – Adam papıllomasy vırýsyna qarsy ekpe mindetti ári josparly vaktsınalar tizimine engizilmek. Bul týraly Densaýlyq saqtaý mınıstrigi ázirlegen Úkimet qaýlysynyń jobasynda jazylǵan, dep habarlaıdy QazAqparat tilshisi.

«Medıtsınalyq kómektiń kepildik berilgen kólemi sheńberinde mindetti profılaktıkalyq ekpeler júrgiziletin aýrýlardyń tizbesinde adam papıllomasy vırýsy aýrýyna qarsy ekpesi engizilsin», - delingen Úkimet qaýlysynda.

Qujaty 3 naýryzǵa deıin kópshilik talqylaýda bolady.

Qosa ketsek, buǵan deıin elimizde 11 jastaǵy qyzdarǵa adam papıllomavırýsyna qarsy vaktsına salý josparlanyp otyrǵanyn málimdep edik. Ekpemen nysanaly toptyń keminde 95%-y qamtylady. Vaktsınatsııa júrgiziletin merzim – 2023-2025 jyldar aralyǵy.