Adam papıllomasy vırýsynyń vaktsınasy bedeýlikke ákeletini týraly aqparat - jalǵan

ASTANA. KAZINFORM – Áleýmettik jelilerde jáne messendjerlerde adam papıllomasy vırýsy (APV) vaktsınatsııasy bedeýlikke ákeletini týraly aqparat tarady, ol shyndyqqa janaspaıdy jáne feık dep tanylady.

QR Densaýlyq saqtaý mınıstrligi Epıdemıologııalyq baqylaý komıteti baspasóz qyzmetiniń habarlaýynsha, Qazaqstanda júrgizilgen zertteýlerdi qosa alǵanda, kóptegen zertteýlerdiń nátıjeleri vaktsınany almaǵan áıelderge qaraǵanda, APV-ǵa qarsy vaktsınatsııa alǵan áıelderdiń reprodýktıvti densaýlyǵy jaqsy bolatyny kórsetedi.

Kóptegen álemdik zertteýler (Danııada, Kanadada, AQSh-ta jáne t.b.): bala týý qabiletiniń buzylýymen, analyq bezdiń sarqylý sındromymen nemese basqa reprodýktıvti buzylýlarmen baılanystyń bolatynyn kórsetti.

Bul tujyrymdar APV-ǵa qarsy vaktsınatsııanyń tıimdiligi joǵary ekenin jáne onyń qaýipsiz ekenin rastaıdy. Ekpe alǵan áıelderdiń densaýlyǵyna paıdaly áser etetinin, sonymen qatar APV-ǵa qarsy vaktsına bedeýlikke ákelmeıtinin rastaıdy.

«Áleýmettik jelilerdi paıdalanýshylardy jáne barlyq azamatty resmı kózderdegi senimdi aqparatqa ǵana senýge shaqyramyz»,-delingen habarlamada.