Adam papılloma vırýsynyń 200 túri bar — onkolog

ALMATY. KAZINFORM — Adam papılloma vırýsynyń 200 túri bar. Onyń 14-i qaýipti. Bul týraly óńirlik kommýnıkatsııalar qyzmetiniń alańynda ótken baspasóz másıhatynda Almaty onkologııalyq ortalyǵynyń onkogınekologııalyq bólim meńgerýshisi Raıhan Bolatbekova málim etti.

«Jatyr moıny obyry — bul aldyn alýǵa bolatyn jalǵyz qaterli isik. Adam papılloma vırýsynyń 200-ge jýyq túri bar, onyń 14-i adam úshin qaýipti. Vırýs jatyr moıny obyryn ǵana emes, sonymen qatar aýyz qýysy men syrtqy jynys músheleriniń qaterli isigin de týdyrady», — deıdi dáriger.

APV jatyr moıny obyryna ákeletin vırýs. Sonymen qatar výlva, qynap, anýs isigin týdyrýy múmkin. 

«APV qarsy vaktsına jynys músheleriniń kondılomasyn týdyratyn APV túrlerinen qorǵaıdy. 2024 jyldyń kúzinen bastap Qazaqstanda qyzdardy jatyr moıny obyryna qarsy vaktsınatsııa bastalady», — deıdi Raıhan Bolatbekova.

Osyǵan deıin adam papıllomasy vırýsyna qarsy ekpe alǵan almatylyqtardyń ana atanǵanyn jazǵan edik.