Adam papılloma vırýsyna qarsy vaktsına alatyndardyń sanaty keńeıtile me

ASTANA. KAZINFORM — Densaýlyq saqtaý mınıstri Aqmaral Álnazarova adam papılloma vırýsyna (APV) qarsy vaktsına alatyndardyń sanatyn keńeıtý týraly usynysqa pikir aıtty.

— Qazir depýtattar tarapynan da, turǵyndar jaǵynan da tek qyzdardy ǵana emes, er balalardy da vaktsınatsııalaý kerektigi týraly suraqtar kóterilip jatyr. Jas boıynsha mejeni keńeıtip, 11 jaspen shektemeý týraly usynystar bar. Halyqaralyq tájirıbege qaraǵanda, vaktsınatsııa 9 jastan bastalady. Sondyqtan bul usynystar pysyqtalyp jatyr, — dedi A. Álnazarova Parlament Májilisinde tilshiler suraǵyna ıjaýap bere otyryp.

Sondaı-aq ol áıelderge de ekpe salý týraly suraqqa jaýap berdi.

— Qazir tek 11 jastaǵy qyz balalar qamtylǵan… Sondyqtan bul baǵyttaǵy jumystarǵa qosymsha qarajat kerek ekenin de eskerý kerek. Bul másele de pysyqtalyp jatyr, — dedi mınıstr.

Eske sala keteıik, byltyr qyrkúıekte elimizde jatyr moıny obyrynyń negizgi qozdyrǵyshy — adam papılloma vırýsyna (APV) qarsy qyzdardy jalpy vaktsınalaý bastaldy. Osy oraıda Kazinform agenttiginiń tilshisi Qazaqstanda atalǵan ınfektsııanyń taralý statıstıkasy qandaı, bul vırýs ne úshin qaýipti jáne nege ekpe alý qajet ekenine sholý jasaǵan edi. 

Jaqynda 150 myń oqýshy papılloma vırýsyna qarsy vaktsınanyń ekinshi dozasyn alatynyn jazdyq.

Buǵan deıin Qazaqstanda er balalarǵa da adam papılloma vırýsyna qarsy vaktsına egý josparda baryn habarlaǵan bolatynbyz.