Adam ósek aıtýdy balabaqshadaǵy kezinen bastaıdy - ǵalymdar
ASTANA. QazAqparat - Germanııa ǵalymdary balalar ósek aıtýdy balabaqshadaǵy shaǵynan bastaıdy degen tujyrym jasady. Zertteý qorytyndysy British Journal of Development Psychology jýrnalynda jarııalandy.
Leıptsıgtegi Maks Plank Qoǵamynyń evolıýtsııalyq antropologııa ınstıtýtynyń qyzmetkerleri osy maqsattaǵy tájrıbege 3-5 jastaǵy balalardy qatystyrdy. Ár jastaǵy topqa eki qýyrshaqtan berip oınatqan. Ár qýyrshaqpen oınaý barysynda balalar onymen tıyn alysyp saýdalasqan. Úsh jastaǵy balalar qýyrshaqtarynyń «áreketterin» 23 paıyz jaǵdaıda sýrettep berse, al bes jastaǵy balalarda bul kórsetkish 54 paıyzǵa jetti.
Zertteýdiń azdyǵynan balalarda ósekteý shamamen on jastan bastap qalyptasa bastaıdy dep sanalyp kelgen.
Osylaısha, ǵalymdar adamnyń áleýmettik ortadaǵy áreketi retinde synǵa alynatyn aspektiniń biri - ósek aıtý erte satyda bastalady degen tujyrymǵa keldi. Olardyń pikirinshe, bul kezeń balalardyń óziniń óz pikirin qalyptastyrý qabiletiniń damýyna baılanysty.
