Adam ómirin arashalaǵan aýyl ákimi Memlekettik qyzmet agenttigi tóraǵasynyń Alǵys hatymen marapattaldy
Bul týraly QazAqparatqa agenttiktiń baspasóz qyzmetinen habarlandy.
Esterińizge sala keteıik, 2 maýsym kúni Aqtóbe oblysynyń Mártók aýdany Qaratoǵaı aýylynyń turǵyny 50 metrlik munaraǵa shyǵyp, óz-ózine qol jumsamaq bolǵan. Oqıǵa ornyna aǵaıyn týysynan bólek tótenshe qyzmet ókilderi de kelip jetken. Alaıda olardyń eshbiriniń sózine qulaq aspaǵan azamat tildesýden múlde bas tartyp, ózine qol jumsaýdan taıynbaıtynyn bildirgen.
Qatty kúızeliske túsken er adamǵa tek aýyldyq okrýgtiń jergilikti ákimi Rýslan Baısaǵızov qana kómektese alǵan. Ákim ózi de sol bıiktikke kóterilip, eki saǵat boıy onymen áńgimelesken, ony raıynan qaıtarǵan. Nátıjesinde alpınıstik jabdyqtyń kómegimen er adam munaradan túsirip, oǵan tıisti kómek beriledi.
Aýyl ákiminiń bul áreketi marapatqa turarlyq. Osyǵan baılanysty Agenttik tóraǵasynyń arnaıy joldaǵan alǵys hatyn Aqtóbe oblysy boıynsha aýmaqtyq departament basshysy, Ádep jónindegi keńes tóraǵasy Ádilbek Muqashev tabystady.
