Adam óltirip, Almatyda jasyrynyp júrgen Mańǵystaý oblysynyń turǵyny ustaldy
ALMATY. Naýryzdyń 25-i. QazAqparat /Ádilet Musahaev/ - Almaty saqshylary Mańǵystaý oblysynda adam óltirip, izdeýde júrgen qylmyskerdi quryqtady,
dep habarlaıdy QazAqparat ІІB baspasóz qyzmetine silteme jasap.
Aqtaýlyq polıtsııa qashqyndy eki jyl kóleminde izdestirgen. 33 jastaǵy azamat 2008 jyly óz dosyn óltirgen. Anyqtalǵandaı, ólimge burynǵy ókpe-nazdary sebep bolǵan. Іshimdik ishken dostar otyrysynyń sońy tóbeleske ulasyp, 40 jasar dosynyń júrek tusyna pyshaq salýmen aıaqtalǵan. Jedel tergeý toby kelmesten qylmysker jasyrynyp úlgergen.
«Biraz kún buryn aqtaýlyq áriptesterimizden, halyqaralyq izdeýde júrgen qylmyskerdiń Almatyda jasyrynyp júrgendigi jaıly aqparat aldyq. Qashqynnyń turǵylyqty jerin anyqtaýǵa eki kún ketti. Ol Bostandyq aýdanynda birneshe aıdan beri páter jaldap turyp kelgen. Sondaı-aq ol osy ýaqytqa deıin jumys tabýǵa tyrysqan», deıdi Almaty ІІB krımınaldy polıtsııa bólimshesiniń bastyǵy Vadım Streltsov.
Belgili bolǵandaı, qylmysker óziniń izdeýde júrgenin bilgen. Qylmys jasaǵan soń ol birden ońtústik aımaqqa qashyp keledi. Árdaıym turǵylyqty jerin aýystyryp, meken-jaıyn jaqyn týystaryna da aıtpaǵan. «Qazirgi ýaqytta ol ýaqytsha qamaý ornynda. Jýyqta qylmysker Aqtaýǵa jóneltilip, sot aldynda jaýap beretin bolady», deıdi V.Streltsov
