Adam óltirgen Oral turǵyny 19 jyldan keıin Reseıde ustaldy
ORAL. QazAqparat - Asa qatygezdikpen kisi óltirgeni úshin 1998 jyldan beri halyqaralyq izdeýde bolǵan oraldyq turǵyn Reseıden ekstradıtsııalandy, dep habarlaıdy «QazAqparat» tilshisi.
Buǵan Batys Qazaqstan oblysy prokýratýrasynyń QR Bas prokýratýrasy arqyly izdestirýi jáne Reseı Federatsııasy Bas prokýratýrasynyń belsendi kómegi arqasynda qol jetkizildi.
BQO prokýratýrasynyń baspasóz qyzmetinen túsken málimetke qaraǵanda, 1998 jyly 23 qarashada aıyptalýshy jábirlenýshimen birge araq ishken. Ol ornynan turyp, ketpek bolǵan jábirlenýshige aıaq-qolyn birdeı jumsap, denesiniń ár jerine soqqy keltirgen. Saldarynan ol esinen tanyp qalǵan. Esin jıǵan kezde onyń betine ystyq sý quıyp, qınap, aqyry tunshyqtyryp óltirgen. Keıin kúdikti bas saýǵalap, Reseı aýmaǵynda tyǵylyp júrgen.
Qazirgi kezde kinálini qylmystyq jaýapkershilikke tartý úshin qajetti tergeý amaldary júrgizilýde.
