Adam óltirgen qostanaılyq 18 jylǵa sottaldy
QOSTANAI. QazAqparat - Qostanaı oblysynyń turǵyny qylmystyq ister jónindegi mamandandyrylǵan aýdanaralyq soty sheshimimen qaýipti qylmysker dep tanyldy.
Sottalýshy Lınarıs Ilıasov birinshi ret bas bostandyǵynan 17 jasynda aıyryldy. Qazir onyń jasy 35-te. Ol osy ýaqytqa deıin birneshe ret temir torǵa qamalǵan. 2016 jyldyń qarasha aıynda túrmeden bosatylǵan bir jyl ótpeı jatyp, abaqtyǵa qaıta oralatyn boldy.
13 maýsymda Ilıasovtiń anasynyń zeınetke shyqqanyn atap ótýge dosy Mýradı Revıshvılı keledi. Oqıǵa Oktıabrskıı kentinde bolǵan. Lınarıs kelgen qonaqta 10 myń teńge baryn bilgen. Anasy uıyqtap jatqan kezde ol qonaqty uryp, qolyndaǵy neke saqınasyn tartyp alady. Alaıda, aqsha tabylmaǵan. Sodan soń ol anasynyń kózinshe ony pyshaqtap tastaıdy.
Sot barlyq dálelderdi taldap, Lınarıs Ilıasovti kánigi qaýipti qylmysker dep tanydy. Ol buǵan deıin qaraqshylyq qımyldary, dármensiz kúıdegi adamdy óltirgeni úshin aıyptalǵan. Eki jaǵdaıda da jeke múlikteri tárkilengen.
«Іshinara jazalardy qosý arqyly túpkilikti túrde 18 jyl bas bostandyǵynan aıyrý taǵaıyndalsyn. Qylmystyq jolmen jınaǵan múlki tárkilensin. Jazasyn qaýipsizdigi barynsha joǵary túzeý mekemesinde ótelsin», - dep úkim shyǵardy sýdıa Abaı Raısov.
15 táýlik ishinde úkimdi qaıta qaraý jóninde shaǵym jasalýy múmkin.
