Adam óltirdi dep aıyptalǵan kúdikti Shymkenttiń tergeý ızolıatorynda ózine qol saldy

ShYMKENT. QazAqparat - Shymkent qalasy jáne Túrkistan oblysy boıynsha qylmystyq atqarý júıesi departamentiniń ICh-167/11 mekemesinde jatqan kúdikti ózine qol saldy, dep habarlaıdy QazAqparat tilshisi.

1962 jyly týǵan turǵynǵa kisi óltirdi degen aıyp taǵylǵan. Kúdiktige mekeme qyzmetkerleri alǵashqy kómek kórsetý sharalaryn qoldanǵan. Al, jedel medıtsınalyq járdem brıgadasynyń ókilderi kúdiktiniń qan joǵaltýdyń saldarynan mert bolǵanyn anyqtady.

«Atalǵan fakti boıynsha departamentte qyzmettik tergeý júrgizildi. Onyń nátıjeleri boıynsha qyzmetkerler jaýapqa tartyldy. Tergeý materıaldaryna sáıkes, sýıtsıd túnde jasalǵan. Tergeý úshin qamaýǵa alynǵan adam kamerada ózine jaraqat salǵan soń, kórpege oranyp jatyp qalǵan»-delingen Shymkent qalasy jáne Túrkistan oblysy boıynsha qylmystyq atqarý júıesi departamentiniń baspasóz qyzmeti taratqan habarlamada.