Adam óltirdi dep aıyptalǵan akter Alek Boldýın aqtaldy

ASTANA. QazAqparat – Adam óltirdi dep aıyptalǵan akter Alek Boldýın aqtaldy. Bul týraly onyń advokattary málim etti, dep habarlaıdy QazAqparat Washingtonpost-qa silteme jasap.

«Alek Boldýınge qatysty istiń jabylýy týraly sheshimge rızamyz jáne osy qaıǵyly oqıǵanyń faktilerin tıisinshe tergeýge shaqyramyz», - dep málimdegen akterdiń advokattary Lıýk Nıkas pen Aleks Spıro.

Eske salsaq, Santa-Fe qalasynyń (Nıý-Meksıko shtaty) mańynda júrgizilgen «Tot» vesterniniń túsirilimi kezinde operator Galına Hatchıns qaıtys bolǵan edi. Ony prodıýser jáne kartınadaǵy basty róldi somdaýshy, tanymal Gollıvýd akteri Alek Boldýın baıqaýsyzda atyp alǵan. Osy oqıǵaǵa baılanysty Alek Boldýınge aıyp taǵyldy. Túsirilim alańyndaǵy qarý-jaraqqa jaýapty Hanna Gýterres-Rıdke de osyndaı aıyp taǵylatyny habarlanǵan bolatyn.

Aıta ketsek, fılmniń túsirilimi osy aptada Montanada jalǵasyp, Boldýın akter ári prodıýser retinde alańǵa oralýy múmkin.