Adam óltirdi degen kúdikpen halyqaralyq izdeýde bolǵan qyzylordalyq ustaldy

QYZYLORDA. QazAqparat –Adam óltirdi degen kúdikpen halyqaralyq izdeýge jarııalanǵan qyzylordalyq ustaldy, dep habarlaıdy QazAqparat Rolisia.kz-ke silteme jasap.

24 sáýir kúni Qyzylorda oblysy Krımınaldyq polıtsııa basqarmasynyń qyzmetkerleri QR Qylmystyq kodeksiniń 99-baby 2-bóligimen («Adam óltirý») kúdikti retinde tanylyp, halyqaralyq izdeýge jarııalanǵan Qyzylorda qalasynyń turǵynyn ustady. Ol 2022 jyldan beri tergeýden boı tasalap júrgen bolatyn.

«2022 jyly kúdiktige qatysty «kúzetpen ustaý» túrindegi bultartpaý sharasy sanktsııalandy.
Jedel ýákilder kúdiktini qala aýmaǵyndaǵy jaldamaly páterdiń birinde jasyrynyp jatqan jerinen ustady Qazir ol Qyzylorda qalalyq polıtsııa basqarmasynyń ýaqytsha ustaý ızolıatoryna qamaldy», - delingen polıtsııa málimetinde.