Adam ólimine qatysty qylmysqa kúdikti Reseıden ekstradıtsııalandy

ASTANA. KAZINFORM – Qazaqstan Respýblıkasynyń Bas prokýratýrasy jábirlenýshiniń ólimine ákep soqqan aýyr dene jaraqatyn keltirgeni úshin Qazaqstan azamatyn Reseı Federatsııasynan ekstradıtsııalady. Bul týraly QR Bas prokýratýrasy málim etti. 

— Kúdikti 2021 jyldyń naýryz aıynda taǵy da jeke tulǵaǵa qarsy aýyr qylmys jasaǵan. Atap aıtqanda, kúdikti Qostanaı qalasyndaǵy jábirlenýshiniń páterinde birge alkogoldik ishimdik ishý kezinde ózara arazdyq saldarynan jábirlenýshiniń basy men denesine kóptegen jasaǵan soqqylar saldarynan jábirlenýshi qaıtys boldy. Jaýaptylyqtan qutylǵysy kelgen kúdikti qashyp ketken, sol sebepti ol halyqaralyq izdeýge jarııalanǵan, — delingen habarlamada.

Kúdikti izdeýde júrgende Reseı aýmaǵynda qaraqshylyq shabýyl jasap, sol úshin Reseı sotymen sottalǵan. Kórshi memlekette jazasyn ótegennen keıin Qazaqstan Respýblıkasy Bas prokýratýrasynyń suraýy boıynsha otanyna ekstradıtsııalanyp, qazirgi ýaqytta tergeý ızolıatoryna qamaldy.

Jábirlenýshiniń ólimine ákep soqtyrǵan aýyr dene jaraqatyn keltirgeni úshin ol 8 jyldan 12 jylǵa deıin bas bostandyǵynan aıyrý jazasy qarastyryǵan.

Eske sala keteıik, buǵan deıin Mınıstrlik sýdy kóleńkeli naryqta satqandardyń isin Bas prokýratýraǵa joldaǵanyn jazǵan bolatynbyz.