Adam ólimine soqtyrǵan jol apatyna kináli júrgizýshi bas bostandyǵynan aıyryldy
ORAL. QazAqparat - Terekti aýdandyq soty adam ólimine soqtyrǵan jol-kólik oqıǵasyna kináli K.Hamıdýllındi eki jyl jarym merzimge bas bostandyǵynan aıyrýǵa úkim shyǵardy, dep habarlaıdy «QazAqparat» tilshisi.
BQO prokýratýrasynyń baspasóz qyzmetinen túsken málimetke qaraǵanda, atalǵan júrgizýshi «ÝAZ-390945» kóligimen Shymkent-Samara jolynyń 236-shaqyrymynda joldyń qarsy betine shyǵyp ketip, «GAZ A64r45-50» avtokóligimen soqtyǵysýǵa jol bergen. Sonyń saldarynan «ÝAZ» avtokóliginde otyrǵan jolaýshy S.Qalıev sol kúni oblystyq klınıkalyq aýrýhanada kóz jumdy. Otbasy asyraýshysy men otaǵasydan aıyryldy. Oǵan qosa «GAZ» kóligindegi taǵy bir jolaýshy aýyr jaraqat aldy.
Sot aldynda K.Hamıdýllın óz kinásin moıyndady. Degenmen zardap shegýshiler tarapynan keshirim bolmaǵandyqtan, eki jyl jarymǵa bas bostandyǵynan aıyryldy.
Úkim zańdy kúshine endi.
