Adam ólimine qatysty kúdiktiler ustaldy - QR ІІM
ASTANA. 9 qazan. QazAqparat - Batys Qazaqstan oblysynda polıtsııa qyzmetkerleri adam ólimine qatysy bar degen kúdikpen eki adamdy ustady.
Bul týraly búgin QR Іshki ister mınıstrliginiń resmı ókili Nurdildá Oraz málim etti. Onyń atap ótýinshe, atalǵan qylmys Zelenov aýdanynyń aýmaǵynda oryn alǵan. «Qoly baılanǵan 28 jastaǵy jergilikti turǵynnyń máıiti Volodarka aýylynan 4 shaqyrym jerdegi orman alqabynda dıametri 100 santımetrlik qubyrdan tabylǵan. Jábirlenýshi 25 qyrkúıekten bastap iz-tússiz joǵalǵan bolyp eseptelgen»,- dedi ol. Resmı ókildiń atap ótýinshe, sot-medıtsınalyq saraptamanyń qorytyndysyna sáıkes jábirlenýshiniń tunshyqtyrylyp óltirilgeni anyqtaldy. Oblystyq ІІD krımınaldy polıtsııa qyzmetkerleriniń tıisti sharalarynyń nátıjesinde aýdannyń 22 jastaǵy turǵyndary qolǵa tústi. Atalǵan fakti boıynsha qylmystyq is qozǵalyp, kúdiktiler qamaýǵa alyndy», - dedi N.Oraz.
