Adam ólimine ákep soqqan qylmystyq is ashyldy

Bul týraly búgin Kóliktegi ІІD-de bolyp ótken baspasóz máslıhatynda Krımınaldyq polıtsııa basqarmasy Jeke tulǵaǵa qarsy qylmystardy ashý bóliminiń bastyǵy Qanat Turǵanbekov málim etti.

Qylmystyq áreket «Almaty-Nókis» baǵytyndaǵy jolaýshylar poıyzy Lýgovoe stansasyna toqtaǵan sátte oryn alǵan.

Qanat Turǵanbekovtyń aıtýynsha, sálemdeme berip jibermek bolǵan belgisiz azamat jolserikpen janjaldasyp, sońy tóbeleske ulasqan. Eriksiz bul oqıǵa kýágeri bolǵan jolaýshy ári ózi de jolserik bolyp qyzmet atqaratyn jábirlenýshi áriptesin arashalamaq bolyp araǵa túsken. Sonyń saldarynan jolaýshy ókpe tusynan pyshaq jaraqatyn alyp, aýyr halde aýdandyq aýrýhanaǵa jetkizilgen. Sol jerde es jımastan qaza tapqan.

Kólik polıtsııasy qyzmetkerleriniń jedel izdestirý amaldary nátıjesinde 1979 jylǵy buryn sottalmaǵan azamat tutqyndalyp, onyń ústinen QR Qylmystyq kodeksiniń 103-babynyń 3-bólimi boıynsha qylmystyq is qozǵaldy.

Qazirgi tańda qylmystyq is boıynsha sot saraptama isi júrgizilip jatyr.