Adam nege qýanyshtan jylaıdy
ASTANA. QazAqparat - Jylaý - tirshilik ıesine tán qasıet. Adam kóp jaǵdaıda qorqynyshtan nemese bir jeri aýyrǵannan, qaıǵyrǵannan jylaıdy. Ol - zańdylyq. Qatty qoryqqanda ózińizdi jalǵyz sezinesiz ne emotsııańyzdy ishte saqtaı almaısyz. Bul ishki jan dúnıeniń kúızelisine alyp keledi. Sonda jylaýǵa erik beresiz. Dál sol sekildi deneńiz aýyrsynǵan kezde janyńyzǵa batqan saıyn ishki shydamdylyqty syrtqa shyǵarý úshin jylaısyz. Al janarǵa jas tolyp, tamshy bop aǵýy adamǵa tán qasıettiń bir túri, dep jazady «Massaget.kz».
Eń qyzyǵy adam tek muńaıyp ne qoryqqan kezde ǵana emes qýanyshtan da jylaıdy. Jas adamdar kóbinese muny álsizdik belgisi retinde qabyldaıdy. ıAǵnı sizge jaman bolǵan kezde ǵana jylaýyńyz múmkin degen túsinik qalyptasqan. Biraq biz qýanyshtan da jylaımyz.
Ǵalymdar ne deıdi?
AQSh ýnıversıtetiniń ǵalymdary adamnyń qýanyshtan jylaıtyn sátine baılanysty zertteý júrgizgen. Olar soǵystan kelgen jigitin ne kúıeýin kútip alǵan qyz-kelinshekterdiń emotsııasyna saraptama jasaǵan. Nátıjesinde adamdar qýanysh kezinde muńaıýǵa qaraǵanda shynaıy ári demde jylaǵan. Olar óte qýanǵan kezde emotsııasyn ustaı almaı, birden syrtqa shyǵarǵan. Bul jaǵdaı ýnıversıtet bitirip jatqan balasyn kórgen ata-analardyń boıynan baıqalǵan.
Olar bul qubylysty adam qatty qobaljyǵan kezde ishki emotsııasyna ıe bola almaýdan paıda bolady dep túıdi. Dálel retinde ǵalymdar qatty kúlkiniń, shynaıy kúlkiniń ózi jylaýǵa alyp keletinin bylaı túsindiredi: ezý keıin qaraı shekten tys jyljyǵanda júıke talshyqtarynyń oıanýynan jas bólinedi.
«Qýanyshtan jylaý - mıf» deıdi...
Ǵalymdardyń oıyna birqatar psıholog qarsy shyqty. Sebebi olardyń oıynsha qýanyshtan jylaý degen túsinik joq. Ol tek adamnyń jaǵymsyz energııadan arylýy ǵana dep túsindiredi. Onyń bári adamnyń óz qalaýynda dep qarastyrady. Adamnyń jasy eshqashan bitpeıdi. Ol ony kez kelgen jerde shyǵara alady jáne toqtata alady. Bul qalypty jaǵdaı.
Ǵalymdar men psıholog mamandardyń daýynan mynadaı tujyrym shyǵarýǵa bolady. Qýanyshtan jylaý qalypty jaǵdaı, ol jan dúnıeniń emotsııasyn saqtaı almaýdan týatyn shynaıy ári tabıǵı qubylys.
Qazaq halqynda «qýanǵan men qoryqqan birdeı» degen sóz bar. Shynaıy ári shattyqtan shyqqan jastyń dámi muńnan týatyn jastyń dámine qaraǵanda tátti bolary anyq. Bul qubylysty árkim ártúrli qabyldaıdy.
